അടിമുടി ദുരൂഹത, നൂറായിരം ചോദ്യങ്ങള്‍: ബോഗയ്ന്‍വില്ല ട്രെയിലര്‍ പുറത്ത്

ചിത്രത്തിലെ പ്രധാന കഥാപാത്രങ്ങളുടെയെല്ലാം ക്യാരക്‌ടർ പോസ്റ്ററുകൾ പ്രേക്ഷകർ ഏറ്റെടുത്തിരുന്നു. ചിത്രത്തിൽ റോയ്‌സ് തോമസായെത്തുന്ന കുഞ്ചാക്കോ ബോബൻ, ഡേവിഡ് കോശിയായെത്തുന്ന ഫഹദ് ഫാസിൽ. റീതുവായെത്തുന്ന ജ്യോതിർമയി, ബിജുവായെത്തുന്ന ഷറഫുദ്ദീൻ, രമയായെത്തുന്ന ശ്രിന്ദ, മീരയായെത്തുന്ന വീണ എന്നിവരുടെ ക്യാരക്ട‌ർ പോസ്റ്ററുകളാണ് പുറത്തുവിട്ടിരുന്നത്. അതിന് പിന്നാലെയാണിപ്പോൾ സിനിമയുടെ ട്രെയിലർ എത്തിയിരിക്കുന്നത്. നിമിഷ നേരം കൊണ്ട് ഒട്ടേറെ കാഴ്ച‌ക്കാരെ ട്രെയിലറിന് ലഭിച്ചുകഴിഞ്ഞിട്ടുണ്ട്.