ആശാനെപ്പറ്റി പഠിച്ചതിനാല്‍ ഞാന്‍ നോവലെഴുതിയില്ല - ടി. പത്മനാഭന്‍

തൃശ്ശൂർ: സാഹിത്യസംബന്ധിയായ തൻ്റെ ജീവിതവീക്ഷണം കരുപ്പിടിപ്പിക്കാൻ കുമാരനാശാൻ ഏറെ സഹായിച്ചിട്ടുണ്ടെന്ന് കഥാകൃത്ത് ടി. പത്മനാഭൻ. ആശാന് നൂറു മഹാകാവ്യം എഴുതാനുള്ള കഴിവുണ്ടായിട്ടും അദ്ദേഹം എഴുതിയില്ല. അതെഴുതാതെതന്നെ മഹാകവിയെന്ന് സമൂഹത്തെക്കൊണ്ട് വിളിപ്പിക്കാൻ ആശാനായി.ആശാനെപ്പറ്റി പഠിച്ചതിനാലാകാം താൻ നോവലെഴുതാതിരുന്നതെന്നും പത്മനാഭൻ പറഞ്ഞു. ഏതു വിഡ്ഡിക്കും ഒരു പുസ്‌തകമെങ്കിലും എഴുതാനാകുമെന്ന് സായിപ്പ് പറഞ്ഞിട്ടുണ്ടെന്നും താൻ അതിൽപ്പെട്ട ആളല്ലെന്നും സാഹിത്യ അക്കാദമിയിൽ നടക്കുന്ന സാർവദേശീയ സാഹിത്യോത്സവത്തിൽവെച്ച് ഡോ. എം. തോമസ് മാത്യുവുമായി നടന്ന സംഭാഷണത്തിൽ ടി. പത്മനാഭൻ പറഞ്ഞു